गायिकाद्वय अस्मिता र रीतालाई सन्त राजभण्डारीको आर्थिक सहयोग हस्तान्तरण

लोकदोहोरी गायिकाद्वय अस्मिता डल्लाकोटी र रीता रावतलाई आर्थिक सहयोग हस्तान्तरण गरिएको छ । नेपाली कम्युनिटी नेटवर्क क्यानडा (एनसीएनसी) का अध्यक्ष तथा एनआरएन क्यानडाका आईसीसी सदस्य सन्त राजभण्डारीद्वारा पठाइएको जनही १०–१० हजार रुपियाँ गायिका सुनिता दुलाल र गायक चिज गुरुङले हस्तान्तरण गरेका हुन् ।

दुई दशकभन्दा बढी समयदेखि क्यानडामा बस्दै आएका भण्डारीले नेपाली गीत संगीत तथा कला संस्कृतिको संरक्षण तथा संवद्र्धनका लागि योगदान पुर्याउँदै आएका छन् । साथै, लोकदोहोरी क्षेत्रका चर्चित गायक–गायिकालाई क्यानडाका विभिन्न सांगीतिक कार्यक्रममा सहभागी गराउने पहल उनले नै शुरू गरेको गायिका दुलालले प्रष्ट पारिन् ।

‘उहाँले नेपाली कलाकारहरूलाई असाध्यै माया गर्नुहुन्छ,’ उनले भनिन्, ‘क्यानडामा सांगीतिक कार्यक्रमको आयोजना गरेर आफ्नै पहलमा नेपाली कलाकारलाई लगिरहनुभएको छ । साथै, नयाँ प्रतिभालाई पनि हौसला बढाउन उहाँको अतुलनीय योगदानलाई सम्मान छ ।’

सहयोग रकम बुझ्दै गायिका डल्लाकोटीले सन्तराजलाई धन्यवाद व्यक्त गरिन् । ‘यो सहयोगले ठूलो हौसला मिलेको छ,’ उनले भनिन्, ‘आगामी दिनमा पनि यस्तै सहयोगको अपेक्षा गर्दछौँ ।’ यसैगरी, गायिका रावतले यस्तो माया र सहयोगले सांगीतिक क्षेत्रलाई निरन्तरता दिन बल पुर्याउने बताइन् । ‘हाम्रो कला र गलालाई सम्मान गरेर सहयोग गर्नुभएकोमा सन्तराज सरलाई धेरै धेरै धन्यवाद,’ उनले भनिन्, ‘तपाईंको सहयोगले हामीलाई हौसला मिलेको छ ।’

साथै, सन्त र उनकी पत्नी ज्योतिले पोखराकी एक असहाय महिला गौरिशा नेपालीलाई ३० हजार रुपियाँ सहयोग गरेका छन् ।