खोप नलगाउनेलाई ३६ सय डलर जरिवाना
अस्ट्रेलिया सरकारले खोप नलगाउने व्यक्तिलाई तीन हजार ६ सय डलर जरिवाना तिराउने भएको छ । सबै नागरिकलाई खोप लगाउने नीति अनुसार सरकारले यही १ फेब्रुबरीदेखि लागू हुनेगरी नयाँ नियम ल्याउन लागेको हो ।
अहिलेसम्म ७२ प्रतिशत अस्ट्रेलियालीले कोभिडविरुद्ध पूर्ण खोप लगाएका छन् । सबै नागरिकले अनिवार्य खोप लगाउनुपर्ने विधेयक तल्लो सदनबाट पारित भइसकेको छ ।
माथिल्लो सदनबाट पारित भएपछि र सभाध्यक्षले हस्ताक्षर गरेपछि विधेयकले कानुनको रूप लिनेछ । खोप आदेश सन् २०२४ को जनवरीसम्म लागू हुनेछ । त्यसका लागि सरकारले एक अर्ब ४० करोड डलर खर्च लाग्नेछ ।
