गुडनाइट– ‘बेलुका दाँत नमाझि निद्रै लाग्दैन’
नेपाल आइडलको पहिलो सिजनमा फ्रस्ट रनरअप भएका गायक निशान भट्टराईलाई नचिन्ने कमै होलान । उनले दर्जनौँ गीतमा स्वर भरेका छन् । ‘भुन्टी’, ‘के माया लाग्छ र’ लगायतका थुप्रै हिट गीत गाएका भट्टराईसँग मेरोलाइफस्टाइलले गरेको गुडनाइट वार्ताः
बेलुकाको खाना कति बजे खानुहुन्छ ?
बाहिर भएको समयमा खाना खाने निश्चित समय हुँदैन । घर भएमा ८ देखि ९ बजे भित्र खाइसक्छु ।
खानामा के खानुहुन्छ ?
बिहान वा बेलुका खाना एक समयमात्र खान्छु । यदि बिहान भात खाएमा साँझ रोटी, फलफूल खान्छु ।
कति बजे सुत्नुहुन्छ ?
काम परेमा ११ बज्छ , नभए १० बजे भित्र सुतिसक्छु ।
बेडमा जानुअघि के गर्नुहुन्छ ?
बेडमा जानुअघि अनिवार्य ब्रस गर्छु । ब्रस नगरी सुत्दा निद्रा लाग्दैन ।
सिरानी कता पार्नुहुन्छ ?
पूर्व पार्छु ।
श्रीमती कुन साइडमा सुत्नुहुन्छ ?
यही भन्ने छैन ।
के लगाएर सुत्नुहुन्छ ?
कट्टु र गन्जी जस्ता हलुका किसिमका कपडा लगाउँछु ।
रक्सी खाने बानी छ, कि छैन ?
छैन ।
सुत्नुअघि अन्तिम पटक के खानुहुन्छ ?
पानी खान्छु ।
सुत्नु अघि नियमित गर्ने काम के हो ?
गीत सुन्छु, गीतको अभ्यास गर्छु । फिल्ममा रुचि भएकाले कहिलेकहीँ फिल्म पनि हेर्छु ।
निन्द्रा लागेन भने के गर्नुहुन्छ ?
युटयुब हेर्छु ।
अचानक निन्द्रा खुल्यो भने के गर्नुहुन्छ ?
अहिलेसम्म अचानक निन्द्रा खुलेको याद छैन ।
सपना देख्नु हुन्छ, कि देख्नुहुन्न ?
सपना देख्छु । तर, भनिन्छ नि ० दशमलब १ प्रतिशत मात्र याद हुन्छ, त्यसैगरी मलाई नि याद नै हुन्न ।
