जजिरा एयरवेज बन्यो ‘मेरो गाउँ, मेरो ठाउँ’ को एयरलाइन्स पार्टनर

जजिरा एयरवेज ‘मेरो गाउँ, मेरो ठाउँ’ भिडियो च्यालेन्ज २०२३ का लागि एयरलाइन्स पार्टनर बन्ने भएको छ । सोमबार काठमाडौँ हात्तीसारस्थित जजिरा एयरवेजको कार्यालयमा एयरवेजका कमर्सियल म्यानेजर अमित नाग्राथ र वि विल राइज फाउण्डेसनका निर्देशक तथा कार्यक्रम संयोजक निर्मल श्रेष्ठबीच उक्त सम्झौता भएको हो ।

नेपालको पर्यटन प्रवर्द्धनमा सघाउ पुर्याउने हाम्रो पनि दायित्व हो, नेपालको ओझेलमा परेका पर्यटकीय स्थलहरू चिनाउने प्रतियोगितामा जोडिन पाउँदा अत्यन्तै खुसी महसुस भएको छ ।

एयरलाइन्स पार्टनरको रूपमा रहेको कुवेती जजिरा एयरवेजले गत जेठदेखि भैरहवास्थित गौतमबुद्ध अन्तर्राष्ट्रिय विमानस्थलबाट कुवेत–भैरहवा–कुवेत साताको तीनपटक सोमबार, बुधबार र शुक्रबार नियमित उडान गर्छ । जजिरा गौतमबुद्ध अन्तर्राष्ट्रिय विमानस्थलबाट अन्तर्राष्ट्रिय उडान भर्ने पहिलो एयरवेज हो । सन् २००४ मा स्थापना भएको जजिराले खाडी मुलुकमा उडान सुरु गरेको हो । हाल यो कम्पनीले बाकु, दमाम, बहराइन, कायरो, दोहा, इस्तानबुल, रियाद लगायत करिब ५० वटा गतब्यमा उडान गर्दै आएको छ ।

नेपालको पर्यटन प्रवर्द्धनमा अन्तर्राष्ट्रिय ध्वजावाहक जोडिनुले यस प्रतियोगिताको साखलाई अझ उच्चो बनाउने छ, यसले नेपालको पर्यटन प्रवर्द्धन गर्न ठूलो सघाउ पुर्याउने विश्वास लिएको छु ।

‘नेपालको पर्यटन प्रवर्द्धनमा सघाउ पुर्याउने हाम्रो पनि दायित्व हो ।’ म्यानेजर अमित नाग्राथले भने, ‘नेपालको ओझेलमा परेका पर्यटकीय स्थलहरू चिनाउने प्रतियोगितामा जोडिन पाउँदा अत्यन्तै खुसी महसुस भएको छ ।’ साथै अन्तर्राष्ट्रिय ध्वजावाहक नेपालको पर्यटन प्रवर्द्धनमा जोडिनुले प्रतियोगिताको गरिमा थप बढ्ने कुरामा फोउण्डेसनका निर्देशक श्रेष्ठ विश्वस्त सुनिए । ‘नेपालको पर्यटन प्रवर्द्धनमा अन्तर्राष्ट्रिय ध्वजावाहक जोडिनुले यस प्रतियोगिताको साखलाई अझ उच्चो बनाउने छ, यसले नेपालको पर्यटन प्रवर्द्धन गर्न ठूलो सघाउ पुर्याउने विश्वास लिएको छु ।’

पर्यटकीय दृष्टिकोणले प्रचुर सम्भावना भएर पनि ओझेलमा परेका कुनै पनि महत्त्वपूर्ण प्राकृतिक, सांस्कृतिक सम्पदा, भेषभुषा, जातजातिको पहिचान, खानपान, कला संस्कृति लगायतका विषयवस्तुमा केन्द्रित रही वि विल राइज फाउण्डेसनले राष्ट्रव्यापी वृत्तचित्र प्रतियोगिता ‘मेरो गाउँ, मेरो ठाउँ’ को आयोजना गर्दै आएको छ । सन् २०१९ मा पहिलो पटक आयोजित प्रतियोगितामा देशभरबाट उत्साहजनक रूपमा १३२ वृत्तचित्र सहभागी थिए । सन् २०२० मा प्रतियोगिताका लागि भिडियो आह्वान भए पनि विश्वभर फैलिएको कोभिड १९ महामारीका कारण कार्यक्रम स्थगित हुन पुग्यो ।

यसअघि सन् २०२० को भिडियो च्यालेञ्जमा सहभागी प्रतियोगीहरूले आफूले पठाइसकेको भिडियोमा परिवर्तन गर्नुपर्ने आवश्यक ठानेमा सो भिडियो सम्पादन गरी वा नयाँ नै पनि पठाउन सक्नेछन् । ‘मेरो गाउँ, मेरो ठाउँ २०२३’ प्रतियोगितामा यसअघि सहभागी नभएका नयाँ प्रतियोगीहरूले समेत सहभागिता जनाउन सक्ने फाउण्डेसनले जनाएको छ ।

भिडियो निर्माताहरुले प्रचुर पर्यटकीय सम्भावना भएर पनि ओझेलमा परेका कुनै पनि गाउँ–ठाउँको प्राकृतिक, सांस्कृतिक सम्पदा, भेषभुषा, खानपान, कला संस्कृति, जातजातिको पहिचान लगायतका विषयहरूलाई आधार बनाएर भिडियो तयार पार्न सक्नेछन् । वृत्तचित्र अधिकतम ५ मिनेटको हुनुपर्नेछ । प्राप्त भिडियोहरूमध्येबाट निर्णायकले छनौट गरेका उत्कृष्ट दशलाई नगदसहित ‘मेरो गाउँ, मेरो ठाउँ’ अवार्ड प्रदान गरिनेछ । भिडियो पठाउने समय जम्मा ३१ दिन बाँकी छ । विजेता प्रतियोगीहरूको घोषणा १३ जेष्ठ २०८० का दिन काठमाडौँमा हुनेछ ।

यो पनि…
ओझेलमा रहेका पर्यटकीय थलो पहिल्याउन अन्तरक्रिया
आजदेखि ७० दिनसम्म भिडियो पठाउन आह्वान