यदि सुत्नुअघि दूध पिउनुहुन्छ भने होसियार हुनुहोस्

दूध स्वास्थ्यका लागि निकै फाइदाजनक मानिन्छ । दूधमा प्रोटिन र क्याल्सियम राम्रो मात्रामा पाइन्छ । यसबाहेक दूधमा भिटामिन ए, बी२ र बी१२ पनि हुन्छ। धेरैले बिहान दूध पिउने गर्छन् भने कोहीले राती सुत्नुअघि नै तातो दूध पिउने गर्छन् । सुत्नुअघि तातो दूध पिउनाले राम्रो निन्द्रा लाग्ने विश्वास गरिन्छ । यसैबीच विज्ञहरू राती सुत्नुअघि दूध पिउनु नहुने बताउँछन् । यसबारे एक चिकित्सकले चकित पार्ने खुलासा गरेका छन् ।

यो समस्या ३० वर्षको उमेरपछि देखिने गर्छ

क्यालिफोर्नियाका ग्यास्ट्रोएन्टेरोला‘जिस्ट डा. पलानीअप्पन मणिक्कमका अनुसार ३० वर्षभन्दा माथिका मानिसहरूमा बिस्तारै ल्याक्टेज इन्जाइमको कमी हुन थाल्छ, जसका कारण उनीहरूको शरीरमा दूध पचाउन असमर्थ हुन्छ। साथै, सानो आन्द्रामा ल्याक्टेज इन्जाइम पाइन्छ जसले दूधमा रहेको ल्याकटोजलाई ग्लुकोज र ग्यालेक्टोज जस्ता साना अणुहरूमा तोड्ने काम गर्छ जसले गर्दा यसलाई सजिलै अव शोषित गर्न सकिन्छ ।

पाचन समस्याहरू

डा. पलानिप्पन भन्छन् कि ३० वर्षको उमेरमा हाम्रो सानो आन्द्रामा ल्याक्टेज इन्जाइमको उत्पादन निकै कम हुन थाल्छ। यस्तो अवस्थामा, ल्याक्टेज इन्जाइम बिना, दूध सीधै ठूलो आन्द्रामा पुग्छ र यसमा हुने ब्याक्टेरियाले पाचन समस्या निम्त्याउँछ। अपचको कारण, यसले पेटको बोसोलाई असर गर्छ। यस्तो अवस्थामा मानिसहरूले सुत्नुअघि दूध पिउनु हुँदैन किनभने यसले पाचन समस्या निम्त्याउन सक्छ।

इन्सुलिनको स्तर बढ्न सक्छ

यसका साथै पाचन सम्बन्धी कुनै समस्या नभएका व्यक्तिले पनि सुत्नुअघि दूध पिउनु नहुने उनले बताए । सुत्नुभन्दा ठिक अगाडि दूध पिउनाले इन्सुलिनको स्तर बढाउन सक्छ किनभने दूधमा रहेको कार्बोहाइड्रेटले सर्काडियन रिदम लाई बाधा पुर्याउँने डा. पलानीअप्पन मणिक्कमले बताए। यस्तो अवस्थामा यदि कसैले राती दूध खान्छ भने उसले सुत्नुभन्दा २ देखि ३ घण्टा अघि दूध पिउनुपर्छ ।

यो पनि…
उल्टो हिँड्दा हुने फाइदा
सुकुमेलले गर्छ कब्जियतदेखि मुटुरोगसम्मलाई फाइदा